Ղարիբաբադի. Ահաբեկչության նկատմամբ կիրառվող երկակի չափանիշներն ապակառուցողական են
Վիեննայում տեղակայված միջազգային կազմակերպություններում Իրանի դեսպան և մշտական ներկայացուցիչն ասել է.«Ահաբեկչության դեմ պայքարում երկրների նկատմամբ երկստանդարտ մոտեցումները ոչ միայն ապակառուցողական են, այլև հանգեցնելու են ահաբեկչության դեմ համաշխարհային պայքարի պարտությանը»:
Վիեննայում ՄԱԿ-ի գրասենյակի գլխավոր տնօրենին և ՄԱԿ-ի թմրանյութերի ու հանցագործության դեմ պայքարի գրասենյակի գործադիր տնօրենին հղած նամակում, Քազեմ Ղարիբաբադին, դատապարտելով նահատակ գիտնական Մոհսեն Ֆախրիզադեի սպանությունը, պահանջել է դատախարտել այդ ահաբեկչական ու անմարդկային քայլը:
Ղարիբաբադին նամակում ընդգծել է. «Նման ահավոր ահաբեկչական քայլը, ինչպես մյուս միջազգային ահաբեկչական գործողությունները, սպառնում են միջազգային խաղաղությանն ու անվտանգությանը և դեմ են ՄԱԿ-ի կանոնագրին, միջազգային իրավունքին ու հիմնարար սկզբունքներին»:
Նամակի մեկ այլ հատվածում անդրադառնալով անցած տասնամյակներում Սիոնիստական ռեժիմի իրականացրած ահաբեկչական քայլերին և տարբեր երկրներում մի քանի գիտնականների սպանությանը, Ղարիբաբադին ընդգծել է.«Մենք միջազգային հանրությանը կոչ ենք անում կատարել ահաբեկչության դեմ պայքարում միջազգային օրենսդրությամբ նախատեսված իր պարտավորությունները և խստագույնս դատապարտել նման անմարդկային գործողությունը»:
