Ռուհանի. Իրանի ժողովուրդը երբեք չի մոռանա բուժքույրերի ծառայությունները
Իրանի նախագահը, բարձր գնահատելով բժշկական անձնակազմի, հատկապես բուժքույրական համայնքի անձնազոհությունը, զոհաբերությունն ու նվիրվածությունը, ասել է.«Անկասկած, պատմության մեջ գրանցվելու են բուժքույրերի զոհաբերությունները և իրանցիները երբեք չեն մոռանալու այդ սիրելի բուժքույրերի ծառայությունները:
Կիրակի օրը, շնորհավորելով բուժքրոջ օրվա առթիվ, Հասան Ռոհանին նշել է. «Այսօր ժողովրդի առողջության համար պատասխանատու անձնակազմին վստահում են ոչ միայն իրանցիները, այլ նաև ոչ իրանցիները, և երբ Եվրոպայում բնակվող մարդիկ վիրահատության կարիք են ունենում, գալիս են Իրան: Դա պատիվ է Իրանի համար:
Նա հավելել է. «Անկասկած, պարտադրված պատերազմի 8 տարիները, տնտեսական պատերազմը և կորոնավիրուսի պանդեմիան, Իրանի համար մեծ փորձություններ էին: Սակայն, հասարակության տարբեր շերտեր, հատկապես բժշկական անձնակազմը, ովքեր կամավոր աշխատում էին բոլոր ոլորտներում, հպարտությամբ հանձնեցին այս քննությունը»:
