Իրանի ԱԳՆ խոսնակ. Հարավային Կորեայի վերաբերմունքն իր նավի առգրավման հարցին, անընդունելի է
ԻԻՀ ԱԳՆ խոսնակ Սաիդ Խաթիբզադեն երեքշաբթի օրը հայտարարել է, որ Պարսից ծոցում հարավկորեական նավի առգրավումը զուտ տեխնիկական բնույթ է կրում, հավելելով, որ այդ կապակցությամբ Հարավային Կորեայի կառավարության վերաբերմունքն անհասկանալի է ու անընդունելի:
Երկուշաբթի պրը, ԻՀՊԿ նավատորմը Պարսից ծոցում առգրավել է հարավկորեական նավը՝ ջուրն աղտոտելու և նախազգուշացումները անտեսելու պատճառով:
Միջադեպի մասին լուրերը հաստատելուց հետո, Հարավային Կորեայի պաշտպանության նախարարությունը նավատորմ է ուղարկել Հորմուզի նեղուցի ջրեր:
Սաիդ Խաթիբզադեն, պատասխանելով Հարավային Կորեայի նավի վիճակի մասին լրագրողի հարցին, ասել է. «Ինչպես արդեն նշվել է, Կորեայի նավի խնդիրը զուտ տեխնիկական է, և Իրանի Իսլամական Հանրապետությունը, ինչպես բոլոր երկրները, շատ լուրջ է վերաբերվում ծովային միջավայրի պաշտպանությանն ու պահպանությաը և օրենքով սահմանված կարգով զբաղվում է խախտումներով»:
Իրանի Իսլամական Հանրապետության արտաքին գործերի նախարարության խոսնակը հավելել է, որ Իրանը Կորեայի կառավարությանը հորդորում է պատասխանատու կերպով վերաբերվել այս տեխնիկական խնդրին: