Զարիֆ.Անվտանգության հաստատման միակ ուղին տարածաշրջանի երկրների համագործակցությունն է
ԻԻՀ ԱԳ նախարար Մուհամմադ Ջավադ Զարիֆը հայտարարել է, որ անվտանգության ու խաղաղության հաստատման միակ ճանապարհը տարածաշրջանի երկրների միջև լայնածավալ համագործակցության հաստատումն է:
Հինգշաբթ օրը, Թվիթերում արաբերենով արած գրառման մեջ, Զարիֆը նշել է. «Հարգելի հարևաններ, հնարավորություն է ստեղծվել ևս մեկ անգամ մտածելու տարածաշրջանի անվտանգության վերաբերյալ»:
Նշելով, որ անվտանգությունը հնարավոր չէ գնել, իսկ զենքի կուտակմամբ հնարավոր չէ խաղաղություն հաստատել, Զարիֆը հավելել է, «Տարածաշրջանում անվտանգության ու խաղաղության հաստատման միակ ճանապարհը երկրների միջև համագործակցությունն է և Իրանը մշտապես պատրաստակամություն է հայտնել ակտիվացնել այդ համագործակցությունը»:
Իրանի ԱԳ նախարարը Պարսից ծոցի արաբական երկրներին կոչ է արել օտար երկրներից օգնություն խնդրելու փոխարեն, համագործակցել տարածաշրջանում անվտանգություն հաստատելու հարցում:
