ԻԻՀ բանակի ՌԾՈՒ. «Խարկ» նավը փրկելու ջանքերն ապարդյուն էին
ԻԻՀ բանակի ռազմածովային ուժերը չորեքշաբթի օրը հայտարարություն են տարածել, որում նշված է, որ չնայած քսան ժամ տևած ջանքերին և ծովային օգնության օբյեկտների կիրառմանը, հրդեհի արագ տարածման պատճառով, «Խարկ» ուսումնավարժական օժանդակ նավի փրկարարական գործողությունն ապարդյուն է անցել և այն խորտակվել է Ջասկի ջրերում:
«Խարկ» ուսումնավարժական օժանդակ նավն ավելի քան չորս տասնամյակ օգտագործվել է կրթության ոլորտում գործնական վարժանքներ անցկացնելու համար:
Երեքշաբթի օրը Իրանի հարավում գտնվող Հորմոզգան նահանգի Ջասկ նավահանգստի մոտակայքում հրդեհվել էր ռազմածովային ուսումնական առաքելություն իրականացնող «Խարկ» նավը: Հրդեհաշիջման աշխատանքների ընթացքում, անձնակազմն անվտանգ տեղափոխվել է այլ վայր, սակայն նավը փրկել չի հաջողվել:
Պատահարի արդյունքում զոհեր չեն եղել: