Երկրաշարժից հետո Պարսից ծոցում ցունամիի վտանգ կա

Պարսից ծոցում ցունամիի վտանգ է հայտարարվել Իրանի հարավային Հորմոզգան նահանգում 6 և 4 բալ ուժգնությամբ երկրաշարժից հետո:

Իրանի հարավում գտնվող Հորմոզգան նահանգի ճգնաժամի կառավարման գլխավոր տնօրեն Մեհրդադ Հասանզադեն ասել է. «Հորմոզգան նահանգում 6 և 4 բալ ուժգնությամբ երկրաշարժերից հետո բոլոր գնահատող խմբերը ուղարկվել են երկրաշարժի հիմնական տարածք»:

Իրանի Կարմիր մահիկի ընկերությունը նաև հայտարարել է, որ վեց օպերատիվ խումբ է ուղարկվել Ղեշմ կղզու երկրաշարժից տուժած շրջան, իսկ Հորմոզգան, Ֆարս և Քերման նահանգները գտնվում են լիարժեք պատրաստության վիճակում։

Որոշ լրատվական աղբյուրներ հայտնում են, որ կիրակի օրը 6 և 4 բալ ուժգնությամբ երկու երկրաշարժեր՝ մեկ րոպե տարածությամբ, ցնցել են Իրանի հարավային Հորմոզգան նահանգը։

Ուժեղ երկրաշարժ է գրանցվել Հորմոզգան նահանգում, ինչպես նաև Սաուդյան Արաբիայում և ԱՄԷ-ում։

Վերջին տվյալներով՝ երկրաշարժի հետևանքով մեկ մարդ է զոհվել։