Իրանը պատրաստակամություն է հայտնել շարունակել բժշկական ծառայություններ մատուցել Աֆղանստանի քաղաքացիներին
Իրանի առողջապահության, բուժման և բժշկական կրթության նախարարն ասել է.«Չնայած ճնշող պատժամիջոցների և ծանր ծախսերի պատճառով առաջացած խնդիրներին, Իրանի Իսլամական Հանրապետությունը պատրաստ է առողջապահական ծառայություններ մատուցել Աֆղանստանի քաղաքացիներին»։
Երեքշաբթի օրը ԻՌՆԱ-ի հաղորդման համաձայն, Իրանի առողջապահության, բուժման և բժշկական կրթության նախարար Բահրամ Այնոլլահին իր ուղերձում դատապարտելով Իրանի և Աֆղանստանի թշնամիների վերջին դավադրությունը, հավելել է.«Համաշխարհային և տարածաշրջանային իմպերիալիզմը սին պատրվակներով ձգտում է տարաձայնություն սերմանել Իրանի ու Աֆղանստանի երկու մեծ ժողովուրդների միջև և տհաճ իրադարձություններ առաջացնելով, ռամազան սուրբ ամսվա ընթացքում վշտացնել երկու երկրի մուսուլման քույր-եղբայրներին»:
Այնոլլահին ընդգծել է.«Համաշխարհային հասարակական կարծիքը և պատասխանատու միջազգային կառույցները քաջ գիտակցում են, որ Իրանի Իսլամական Հանրապետությունը, հասկանալով Աֆղանստանի առանձնահատուկ պայմանները, չորս տասնամյակ առաջվանից մինչ այսօր արժանավայել կերպով հյուրընկալել է բազմաթիվ աֆղանցի եղբայրների և քույրերի և ոչ մի ծառայություն չի խնայել նրանց»:
