Վենեսուելայի գյուղատնտեսության նախարար. Տեխնիկական ոլորտում Իրանի գիտելիքները զարմանքի տեղիք են տալիս
Վենեսուելայի գյուղատնտեսության նախարարը հայտարարել է, որ իր երկիրը ցանկություն ունի ներկրել իրանական գիտելքի և տեխնոլոգիա
Վիլմար Կաստրո Սոտելդոն, կիրակի օրն Ալբորզում գտնվող կենսատեխնոլոգիայի ոլորտում գործունեություն ծավալող «Բիորան» գիտելիքահենք ընկերության գործարան կատարած այցի շրջանակում ասել է. «Մեզ անհրաժեշտ են պարարտանյութերի, կենսաբանական թունաքիմիկատների, անասնաբուծական պրոբիոտիկների, թռչնամսի և ջրային կենդանիների արտադրության ոլորտներում կիրառվող գիտելքը և տեխնոլոգիան»:
Նա հավելել է. ««Բիորան» ընկերության՝ պարարտանյութեր, կենսաբանական թունաքիմիկատներ և կենդանական հավելումներ արտադրելու կարողությունը զարմանալի է: Մենք կփորձենք համագործակցել այս ընկերության հետ»:
Արևմտյան Ասիայում այս ոլորտի խոշորագույն արտադրողներից «Բիորան» ընկերության գործարանը և արտադրական հոսքագծերը գտնվում են Ալբորզ նահանգի Քարաջ շրջանի Գոլդաշտ քաղաքում:
