ՇՀԿ-ն բացառիկ հնարավորություններ ունի Իրանի համար
Իրան-Չինաստան Առևտրի պալատի նախագահը հայտարարել է. «Շանհայի համագործակցության կազմակերպության կարողությունները Իրանի համար մեծ հնարավորություններ են ստեղծում»:
ԻԻՀ նախագահ Սեյեդ Էբրահիմ Ռայիսին չորեքշաբթի օրը մեկնել է Ուզբեկստանի Սամարղանդ քաղաք՝ մասնակցելու Շանհայի համագործակցության կազմակերպության գագաթնաժողովին։
Իրան-Չինաստան Առևտրի պալատի նախագահ Մաջիդռեզա Հարիրին Ուզբեկստանում Շանհայի համագործակցության կազմակերպության գագաթնաժողովում Իրանի ներկայության կարևորության մասին ասել է. «Պետք է փորձել օգտվել այս հնարավորություններից՝ ավելի ակտիվ լինելով այս կազմակերպությունում»:
Հարիրին նշել է, որ ըստ փորձագետների՝ համաշխարհային տնտեսության ապագան Ասիայում է, հատկապես Հարավային Ասիայում և Հարավարևելյան Ասիայում, հավելելով. «Արևելյան Ասիան և Հարավային Ասիան հաղորդակցության սահման ունեն Արևմտյան Ասիայի և աշխարհի արևմուտքի հետ, և այդ սահմանն Իրանն է»:
Նրա խոսքով. «Իրանը կարող է դառնալ Շանհայի համագործակցության կազմակերպության դարպասը և արևմտյան աշխարհը կապել Արևելյան Ասիայի դինամիկ տնտեսությանը»։
