Իսլամական խորհրդարանում զրադաշտականների պատգամավորն Իրանը նմանեցրել է երփներանգ ծաղիկներով առլեցուն դաշտի
Իսլամական խորհրդարանում զրադաշտականների պատգամավորն Իրանը նմանեցրել է երփներանգ ծաղիկներով առլեցուն դաշտի,որոնց ամբողջությունը կազմում է Իրանի ընդարձակ դաշտը:
Իսլամական հեղափոխության հաղթանակի տարեդարձի և 44-րդ այգաբացի առիթով այսօր զրադաշտականների գերեզմանատանը տեղի ունեցավ արարողություն նահատակների հիշատակին և ծաղիկներ խոնարհվեցին նրանց շիրիմներին: Արարողությանը մասնակցել են Իսլամական խորհրդարանում կրոնական փոքրամասնությունների պատգամավորները, հոգևորականները և նահատակների հարազատները:
Այս արարողությանը կրոնական փոքրամասնությունների հոգևորականները աղոթեցին նահատակների հոգու խաղաղության համար:
Արարողության ժամանակ Թեհրան նահանգի նահատակների և անձնուրացների հարցերով զբաղվող հիմնարկի գլխավոր տնօրեն Աբասալի Ռեզային իր ելույթում մեծարեց նահատակների հիշատակը: Նա ասաց.«Ինչպես կրոնական փոքրամասնությունները կարևոր դեր խաղացին Իսլամական հեղափոխության հաղթանակի ժամանակ, այնպես էլ սրբազան պաշտպանության ժամանակ նրանք հանուն Իրանի նվիրեցին բազմաթիվ նահատակներ»:
