Իրանի խորհրդարանի ներկայացուցիչը պահանջել է փակել Թավրիզում Բաքվի հյուպատոսությունը

Իրանի իսլամական խորհրդարանում Թեհրանի ներկայացուցիչ Ահմադ Նադերին անդրադառնալով Իրանից Ադրբեջանի դիվանագետների արտաքսմանն ասել է. «Իրանն անցանկալի անձ է հայկտարարել և երկրից վտարել Բաքվի չորս դիվանագետների: Այժմ պետք է արագ անել հաջորդ քայլը և փակել Թավրիզում այդ երկրի հյուպատոսարանը»:

Նա նշել է. «Ալիևի ռեժիմի հետ ուժից բացի այլ լեզվով չի կարելի խոսել: Մեղմ վերաբերմունքը սրում է այդ բռնապետի երևակայությունը»: 
Հարկ է նշել, որ Իրանը զսպվածություն է ցուցաբերել Ադրբեջանի նկատմամբ, սակայն Բաքվի պաշտոնյաները շարունակում են հակաիրանական   հայտարարություններ անել։