Անտոնիո Գուտերեշն ԱՄՆ-ին կոչ է արել չեղարկել Իրանի դեմ սահմանած պատժամիջոցները
Իրանի հարցով ՄԱԿ-ի Անվտանգության խորհրդի 2231 բանաձևի վերաբերյալ իր 15-րդ զեկույցում անդրադառնալով ՀԳՀԾ-ից Վաշինգտոնի անօրինական դուրս գալուն, ՄԱԿ-ի գլխավոր քարտուղարն ԱՄՆ-ին կոչ է արել չեղարկել Իրանի դեմ սահմանած պատժամիջոցները:
Թիվ 2231 բանաձևի համաձայն՝ վեց ամիսը մեկ, ՄԱԿ-ի գլխավոր քարտուղար Անտոնիո Գուտերեշի զեկույցը ներկայացվում և քննարկվում է Անվտանգության խորհրդի հերթական նիստում,ընդորում բանաձևի և ՀԳՀԾ-ի իրագործման մասին 14-րդ զեկույցը ներկայացվել էր 2022 թվականի դեկտեմբերի 19-ին անցկացված նիստում։ Այսօր՝ հինգշաբթի (հուլիսի 6-ին) տեղի կունենա 2231 բանաձեւի վերաբերյալ Անտոնիո Գուտերեշի 15-րդ զեկույցը քննարկելու նպատակով Անվտանգության խորհրդի հերթական նիստը, որտեղ ելույթով հանդես նաեւ ՄԱԿ-ում Իրանի դեսպան ու մշտական ներկայացուցիչը։
ԻՌՆԱ-ի հաղորդման համաձայն, ՄԱԿ-ի գլխավոր քարտուղար Անտոնիո Գուտերեշն Իրանի հարցով Անվտանգության խորհրդի 2231 բանաձևի վերաբերյալ իր 15-րդ զեկույցում, որը քննարկվելու է առաջիկա մի քանի ժամից կայանալիք խորհրդի հերթական նիստում, նշելով, որ ՀԳՀԾ-ն շարունակում է մնալ լավագույն տարբերակը, Միացյալ Նահանգներին կոչ է արել չեղարկել Իրանի դեմ սահմանած պատժամիջոցները և երկարաձգել այս երկրի նավթի առևտրի հետ կապված բացառությունները։
