Արևմտյան լրատվամիջոցների երկակի ստանդարտները՝ օկուպացված տարածքներում ցույցերը լուսաբանելու հարցում

Իրանի արտաքին գործերի նախարարության խոսնակն ասել է.-«Արևմտյան մեդիա կայսրությունը, աչք փակելով օկուպացված տարածքներում ցուցարարներին ճնշելու վրա, ցույցերը ներկայացնում է որպես Իսրայելի կեղծ ժողովրդավարության խորհրդանիշ»:

Իրանի արտաքին գործերի նախարարության խոսնակ Նասեր Քանանի Չաֆին կիրակի օրն իր թվիթերյան միկրոբլոգում գրել է.-«Օկուպացված տարածքներում հարյուր հազարավոր մարդկանց կաթվածահար անող բողոքի ցույցերն ու գործադուլները շարունակվում են բռնաճնշումների ուղեկությամբ: Ցուցարարների դեմ կիրառվում են բռնության ու ճնշման  ամենաժամանակակից միջոցները և միաժամանակ թաքցվում  Սիոնիստական ​​ռեժիմի անվտանգության ուժերի և ոստիկանության կողմից  վիրավորների,  ձերբակալվածների ու  զոհվածների վիճակագրական տվյալները:

Քանանի Չաֆին հավելել է,-«Արևմտյան լրատվամիջոցները լուսաբանելով Արևմուտքի չմիավորված երկրում ամենափոքր հանրահավաքն ու բողոքը,   խոսքի ազատության ու մարդու իրավունքների պաշտպանության մեծ ստով խլացնում են աշխարհի ժողովուրդների ականջը կամ  անկարգությունները, խռովությունները և ավերածությունները բնութագրում են որպես բողոք և հեղափոխություն»:

Դատական ​​կառուցվածքում փոփոխություններ իրականացնելու Սիոնիստական ​​ռեժիմի կաբինետի ջանքերի մեկնարկից հետո օկուպացված Պաղեստինը, հատկապես նրա կարևոր քաղաքները, ինչպիսիք են Թել Ավիվն ու Հայֆան, շաբաթներ շարունակ ականատես են եղել  շարունակական ցույցերի։

Սիոնիստական ​​ռեժիմի վարչապետ Բենիամին Նեթանյահուն առաջարկել է օկուպացված տարածքներում դատական ​​ուժի  նվազեցման ծրագիր, որը սահմանափակում է Սիոնիստական ​​ռեժիմի Գերագույն դատարանի լիազորությունները և փոխարենը ամրապնդում  է գործադիր և օրենսդիր  իշխանությունների  դիրքը:
Այս ծրագրի շրջանակում թուլացնելով իսրայելական ռեժիմի դատական ​​համակարգը, նախարարների կաբինետը և քաղաքական կուսակցությունները հնարավորություն կունենան վերահսկել դատարաններում դատավորների ընտրության հանձնաժողովը ՝ նշանակելով կուսակցականներ և քաղաքական գործիչներ և թույլ չտալ, որ դատավորները լինեն այս հանձնաժողովի անդամ։

Սիոնիստական ​​ռեժիմի վարչապետն ու նրա կողմնակիցները համոզված են, որ դատական ​​կառույցը մեծ իշխանություն ունի և միջամտում է գործադիր իշխանության գործունեությանը։

 Ցուցարարների կարծիքով Նեթանյահուն թուլացնելով դատական ​​համակարգը փորձում է իրեն պաշտպանել կոռուպցիոն մեղադրանքներից՝ և այդ կերպ ազատվել դատական ​​հետապնդումից։