Իրանի ԱԳՆ խոսնակ.Իսլամական սրբությունների դեմ ոտնձգությունը Սիոնիստների գլոբալ նախագիծն է
Արտաքին գործերի նախարարության խոսնակը պարզաբանելով իսլամական սրբությունների դեմ ոտնձգելու սիոնիստների գլոբալ նախագիծը, Սիոնիստական ռեժիմի կաբինետի նախարարի ներկայությունն Ալ-Աղսա մզկիթում, ևս մեկ քայլ է համարել իսլամական սրբություններն անարգելու ուղղությամբ ,և դատապարտել է այն:
Այսօր (հինգշաբթի) Սիոնիստական ռեժիմի ներքին անվտանգության նախարարը մի խումբ ավանաբնակների հետ ոտնձգել է Ալ-Աղսա մզկիթի դեմ։
Իրանի արտաքին գործերի նախարարության խոսնակ Նասեր Քանանի Չաֆին այսօր արձագանքել է Ալ-Աղսա մզկիթում Սիոնիստական ռեժիմի կաբինետի նախարարի ներկայությանը և դատապարտել է այն։
Քանանի Չաֆին իր թվիթերյան միկրոբլոգում գրել է. -«Սիոնիստների գլոբալ նախագիծն է գրոհել իսլամական սրբությունների դեմ՝սկսած Սուրբ Ղուրանն այրելու չարաբաստիկ քայլից մինչև աշխարհի մուսուլմանների առաջին Ղիբլայի պղծումը»:
Իրանի արտաքին գործերի նախարարության խոսնակը հավելել է.-«Սիոնիստական կաբինետի նախարարի չարաբաստիկ ներկայությունը Ալ-Աղսա մզկիթում ևս մեկ քայլ էր իսլամական սրբությունները ոտնահարելու և աշխարհի մուսուլմանների զգացմունքները վիրավորելու ուղղությամբ, ինչը դատապարտելի է»։
Սիոնիստական ռեժիմի ներքին անվտանգության նախարարի կողմից Ալ-Աղսա մզկիթի դեմ ոտնձգությունը դատապարտել են Պաղեստինը, Հորդանանը, Սաուդյան Արաբիան և Թուրքիան։
Հուլիսի 26-ին և 27-ին Բենիամին Նեթանյահուի ծայրահեղական կաբինետի ազգային անվտանգության նախարար Իտամար Բեն-Գվիրը մի խումբ սիոնիստ ավանաբնակների հետ անվտանգության խիստ միջոցառումների ներքո գրոհել են Ալ-Աղսա մզկիթը, և հենց այդ ժամանակ իսլամական երկրները, այդ թվում Իրանի Իսլամական Հանրապետությունը դատապարտել են նրանց այդ քայլը:
