Իրանի գլխավոր դատախազն այցելել է Ադրբեջանի Հանրապետություն
Իրանի գլխավոր դատախազն այցելել է Ադրբեջանի Հանրապետության մայրաքաղաք՝ մասնակցելու Տնտեսական համագործակցության կազմակերպության (ECO) անդամ երկրների գլխավոր դատախազների նիստին։
Parstoday-ի հայերեն բաժնի փոխանցմամբ՝ Իրանի գլխավոր դատախազ Հոջաթ-օլ-էսլամ Մոհամմադ Մովահեդին ժամանել է Բաքու՝ մասնակցելու Տնտեսական համագործակցության կազմակերպության անդամ պետությունների գլխավոր դատախազների 4-րդ նիստին:
Սեպտեմբերի 14-16-ն անցկացվելիք նիստի ընթացքում քննարկվելու են այնպիսի հարցեր, ինչպիսիք են՝ դատարանների դատավորների ուսումնական կենտրոնների միջև գիտական և հետազոտական համագործակցությունը և մարդկանց թրաֆիքինգի, թմրամիջոցների ապօրինի շրջանառության և կիբերհանցագործությունների դեմ պայքարի ոլորտում օպերատիվ համագործակցությունը:Նիստի մասնակիցները նաև հետամուտ են լինելու նախորդ երեք հանդիպումներում ընդունված որոշումների իրագործման գործընթացին:
Այցի շրջանակում Իրանի գլխավոր դատախազը երկկողմ հանդիպումներ է ունենալու Ռուսաստանի, Թուրքիայի և Պակիստանի գլխավոր դատախազների հետ:
Այս հանդիպումներում քննարկվելու են կիբերհանցագործությունների մասին միջազգային կոնվենցիայի մշակման, երկու երկրների միջև դատապարտյալների տեղափոխման և արտահանձնման, ահաբեկչության և ծայրահեղականության դեմ պայքարի ոլորտներում համագործակցության հետ կապված հարցեր:
