Տարածաշրջանի աշխարհագրության ցանկացած փոփոխություն անապահովություն ու անկայունություն է առաջացնելու. Ահմադյանն ասել է հայ գործընկերոջը
Իր հայ գործընկերոջ հետ հանդիպման ժամանակ Իրանի ազգային անվտանգության գերագույն խորհրդի քարտուղարը, անդրադառնալով կովկասյան տարածաշրջանի վերջին զարգացումներին և տարածաշրջանում խաղաղության և անվտանգության հաստատման համար բոլոր կողմերի ջանքերի անհրաժեշտությանը, հայտարարել է. -«Տարածաշրջանի աշխարհագրության ցանկացած փոփոխություն անկայության, անապահովության ու ճգնաժամի սրման պատճառ կդառնա»:
Ընդգծելով Իրանի Իսլամական Հանրապետության և Հայաստանի միջև տնտեսական փոխգործակցություններն ու համագործակցությունը և համատեղ առևտրային փոխանակումների ավելացման անհրաժեշտությունը,Ալի Աքբար Ահմադյանը հայտնել է բոլոր ոլորտներում հարաբերությունների մակարդակը բարձրացնելու Իրանի պատրաստակամության մասին։
Այս հանդիպմանը Հայաստանի Ազգային անվտանգության խորհրդի քարտուղար Արմեն Գրիգորյանն անդրադառնալով երկու երկրների վաղեմի հարաբերություններին, հայտնել է Իրանի Իսլամական Հանրապետության հետ հարաբերությունները համակողմանի զարգացնելու իր երկրի պատրաստակամության մասին։
Անդրադառնալով կովկասյան տարածաշրջանում խաղաղության և կայունության հաստատման գործում Իսլամական Հանրապետության ազդեցիկ դերակատարությանը՝ Հայաստանի Ազգային անվտանգության խորհրդի քարտուղարը Իրանի դերակատարության շարունակումն է ցանկացել այս ոլորտում:
Արմեն Գրիգորյանը շատ կարևոր է համարել երկու երկրների միջև տնտեսական, առևտրային և արդյունաբերական նախագծերը և ընդգծել դրանց շուտափույթ իրականացումը։