Իրանի Իսլամական հեղափոխության պահապանների կորպուսի հրամանատար. Գազայում պատերազմը Իսրայելի կործանման նախերգանքն է
Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամին Գազայի հատվածում շարունակվող պատերազմն անվանել է «Սիոնիստական ռեժիմի փլուզման նախնական փուլ», հայտնում է Tasnim-ը։
Երկուշաբթի ելույթ ունենալով Իսլամական հեղափոխության պահապանների կորպուսի ռազմավարական ծրագրերին նվիրված համաժողովում, գեներալ-մայոր Հոսեյն Սալամին ասել է, որ «Ալ-Աքսայի փոթորիկ» գործողությունը, որը ՀԱՄԱՍ-ը սկսել է Իսրայելի դեմ հոկտեմբերի 7-ին, թշնամու ռազմավարությունը ենթարկել է «քաղաքական և անվտանգության երկրաշարժի»:
Իսլամական հեղափոխության պահապանների կորպուսի հրամանատարի խոսքով, «Գազայում Իսրայելի կողմից սանձազերծված հետագա պատերազմը կեղծ Սիոնիստական ռեժիմի մոտալուտ փլուզման առաջին փուլն է»:
«Ալ-Աքսայի փոթորիկ» օպերացիան աշխարհագրական առումով մարտավարական կողմ ուներ, սակայն դրա ազդեցության գոտին գլոբալ է, ասել է իրանցի գեներալը։
«Բոլորն էլ գիտակցում են, որ այսօր Սիոնիստական ռեժիմը պարտված և նվաստացած է, և Համասը մեծ պարտության է մատնել նրանց (իսրայելցիներին) միայնակ և առանց որևէ այլ ուժի աջակցության», - հավելել է գեներալ Սալամին:
Իսլամական հեղափոխության պահապանների կորպուսի հրամանատարը նաև ասել է, որ «Սիոնիստական ռեժիմը չի կարողանա վերականգնել նման նվաստացուցիչ վնասը, որքան էլ որ հուսահատ փորձեր անի»:
