Իրանի դեսպանը հանդիպել է Ադրբեջանի և Հայաստանի միջև հարաբերությունների կարգավորման հարցով Ռուսաստանի հատուկ ներկայացուցչի հետ
Նոյեմբեր 28, 2023 14:29 Asia/Tehran
Մոսկվայում Իրանի Իսլամական Հանրապետության դեսպան Քազեմ Ջալալին հանդիպել և զրուցել է Ադրբեջանի և Հայաստանի միջև հարաբերությունների կարգավորման հարցով ՌԴ ԱԳՆ հատուկ ներկայացուցիչ, դեսպան Իգոր Խովաևի հետ։
Հանդիպման ընթացքում կողմերը քննարկել են այս հարցի կապակցությամբ վերջին զարգացումները և մտքեր են փոխանակել տարածաշրջանային խնդիրների լուծմանն ուղղված մեխանիզմների և հավաքական նախաձեռնությունների առաջխաղացման շուրջ։
Ընդգծելով վստահության ամրապնդմանն ու տարածաշրջանային հարաբերությունների բարելավմանն ուղղված Իսլամական Հանրապետության սկզբունքային քաղաքականությունը, այդ թվում՝ 3+3 ձևաչափի շրջանակներում, Իրանի դեսպանն ընդգծել է Իրանի և Ռուսաստանի միջև համագործակցության կարևորությունը տարածաշրջանում խաղաղության և կայունության ամրապնդման համար։