Էժեի․ ԱՄՆ-ի դեմ Իրանի դիմադրությունը զարմացրել է աշխարհին

Իրանի դատական իշխանության ղեկավար Ղոլամհոսեյն Մոհսենի Էժեին հայտարարել է, որ ԱՄՆ-ի դեմ Իրանի ժողովրդի և Իսլամական Հանրապետության դիմադրությունը զարմացրել է աշխարհին։

Հղում անելով IRIB-ին Pars Today-ը հաղորդում է, որ Էժեին Հնդկաստանից վերադառնալուց հետո, որտեղ մասնակցել է BRICS խմբի անդամ երկրների դատական իշխանությունների ղեկավարների հանդիպմանը, հայտարարել է, որ այս տարի կառույցի կարգախոսը կենտրոնացած է կայունության, համագործակցության և դիմադրողականության վրա, հատկապես տնտեսական ոլորտում և Իրանն այդ բոլորի հասկացությունների օրինակն է։
Նա հավելել է, որ BRICS-ի անդամ երկրների պաշտոնյաները երկկողմ հանդիպումների ընթացքում զարմանք են հայտնել ԱՄՆ-ի ագրեսիայի դեմ Իրանի դիմադրության կապակցությամբ և ընդգծել, որ Իսլամական Հանրապետությանը հաջողվել է բացահայտել ԱՄՆ-ի հզորության և գերակայության մասին միֆը։
Դատական իշխանության ղեկավարը նաև հայտնել է, որ BRICS-ի անդամ երկրները շահագրգռված են Իրանի հետ դատական և իրավական ոլորտներում համագործակցության ամրապնդմամբ։