ԻՀՊԿ․ ԱՄՆ-ի ավիակիրն ու ականակիրը բալիստիկ հրթիռներով հարձակման են ենթարկվել
ԻՀՊԿ-ն հայտարարել է բախման գոտում ԱՄՆ ռազմածովային ուժերի ավիակրի և ականակրի դեմ հրթիռային հարձակման մասին, հավելելով, որ երկու նավերն էլ վնասվելուց հետո և հետագա հարձակումների մտավախությամբ լքել են տարածքը։ Հայտարարության մեջ ասվում է, նաև որ իրականացվել է երեք իրանական նավթատարների վրա ԱՄՆ-ի հարձակման պատասխան գործողություն։
Հղում անելով IRIB-ին Pars Today-ը հաղորդում է, որ ԻՀՊԿ-ի օդատիեզերական ուժերի հայտարարության համաձայն՝ ԱՄՆ-ի ավիակիրն ու ականակիրը, որոնք մասնակցում էին ծովային շրջափակմանը և իրանական նավերին խոչընդոտներ ստեղծելուն, թիրախավորվել են մի քանի բալիստիկ հրթիռներով։ ԻՀՊԿ-ն ընդգծել է, որ CENTCOM-ի կողմից գործողության հաստատումը վկայում է, որ հարվածները հասել են նպատակին և հաստատում է Իրանի զինված ուժերի հարձակողական կարողությունը։
Մեկ այլ հայտարարությամբ՝ ԻՀՊԿ-ի ռազմածովային ուժերը հայտնել են, որ ԱՄՆ-ը շաբաթ առավոտյան հարձակվել է երեք իրանական նավթատարների վրա և վնասներ պատճառել դրանց։ Հայտարարության համաձայն՝ իրանական ուժերը, ի պատասխան, թիրախավորել են Հորմուզի նեղուցը չթույլատրված երթուղով ընթացող երեք նավթատար և այլ հատվածներում ԱՄՆ-ին առնչվող երեք նավ։
ԻՀՊԿ ռազմածովային ուժերը նաև հայտնել են ամերիկյան անօդաչու նավի թիրախավորման մասին, որը պատրաստվում էր մուտք գործել Հորմուզի նեղուցի պահպանվող գոտի։
ԻՀՊԿ-ն նախազգուշացրել է Պարսից ծոցում և Հորմուզի նեղուցի շրջակայքում գտնվող նավերին՝ զերծ մնալ ցանկացած կասկածելի տեղաշարժից՝ ընդգծելով, որ ԱՄՆ-ի թշնամական գործողությունների դեպքում Իրանի պատասխանը վճռական կլինի։