Իրանի ՌԾՈՒ հրամանատարը մեկնել է Թաիլանդ՝ մասնակցելու տարածաշրջանային կարևոր հանդիպմանը
Իրանի ՌԾՈՒ հրամանատար, ծովակալ Շահրամ Իրանին մեկնել է Թաիլանդի մայրաքաղաք Բանգկոկ՝ մասնակցելու Հնդկական օվկիանոսի ափամերձ երկրների ռազմածովային ուժերի 8-րդ գագաթնաժողովին։
Նշելով, որ Իրանի ռազմածովային ուժերը ճանաչվել են որպես գագաթնաժողովի ամենաարդյունավետ անդամներից մեկը և ներկայումս ղեկավարում են երկու աշխատանքային խումբ, ծովակալ Շահրամ Իրանին հավելել է. «Գագաթնաժողովի առանցքը Հնդկական օվկիանոսի անվտանգությունն է, որը մտահոգում է օվկիանոսի ափերին գտնվող երկրներին: Մտահոգությունները կապված են ծովահենության, ծովային անվտանգության և վթարի մեջ գտնվող նավերին օգնություն ցուցաբերելու հետ»:
Նա նշել է. «Հնդկական օվկիանոսի ափամերձ երկրների ռազմածովային ուժերի հրամանատարների հետ կանցկացվեն երկկողմ, եռակողմ և բազմակողմ հանդիպումներ՝ ծովային հարաբերությունների, ծովային անվտանգության և անվտանգության, դիվանագիտության մակարդակը բարելավելու նպատակով»։
