Արտատարածաշրջանային երկրների միջամտություններն ուղղված են տարաձայնությունների խորացմանը Հարավային Կովկասում
Իրանի Իսլամական Հանրապետության նախկին դիվանագետ Մոհսեն Փաք Այինը «Խաբար օնլայն» կայքի համար հոդվածում գրել է. -Չնայած Ադրբեջանի և Հայաստանի իշխանություններում տարաձայնությունները լուծելու և վերջնական խաղաղության հասնելու կամք ստեղծվելուն,արտատարածաշրջանային երկրների միջամտությունները և նրանց հաջողությունը Երևանի և Մոսկվայի միջև հակամարտությունը խորացնելու գործում կրկնապատկել են այս տարածաշրջանում զարգացումներին հետևելու անհրաժեշտությունը։
Նշելով,որ Եվրահանձնաժողովի նախագահ Գյունտեր Ֆլինգերը Հայաստանին կոչ է արել միանալ ՆԱՏՕ-ի դաշինքին, Փաք Այինը հավելել է,- Իրողությունն այն է,որ Եվրամիությունն ու Ֆրանսիան ոչ թե որպես Հայաստանի բարեկամներ, այլ Ռուսաստանին Կովկասում մեկուսացնելու համար, իրենց կործանարար դերն են խաղում հարավկովկասյան զարգացումներում։
Նա հավելել է,-Ներկա փուլում Ադրբեջանը և Հայաստանը պետք է գնահատեն Հարավային Կովկասում անվտանգության, կայունության և խաղաղության արժեքը և տեղյակ լինելով ԱՄՆ-ի, ՆԱՏՕ-ի և Եվրամիության թաքնված քաղաքականության մասին և կառուցողական հանդիպումներ անցկացնելով փորձեն աստիճանաբար. լուծել տարաձայնությունները, շարժվել դեպի վերջնական խաղաղության հաստատում։
Իրանի Իսլամական Հանրապետության նախկին դիվանագետն ընդգծել է.-Հարավային Կովկասում գերադասելի է «բարեկամական համագործակցությունը» , քան «ոչ կառուցողական մրցակցությունը», և Իրանը կարող է շատ կառուցողական դեր խաղալ Ռուսաստանի և Ադրբեջանի հետ Հայաստանի հարաբերությունների կարգավորման գործընթացում։ Այս դեպքում կչեզոքացվեն Հարավային Կովկասում խաղաղության հաստատումը կանխելու ԱՄՆ-ի և Եվրամիության կործանարար նպատակները և հիմք կստեղծվի այդ երկրների միմյանց հետ համագործակցության և Հարավային Կովկասում կայուն ու մշտական խաղաղության հաստատման համար։