Իրանի դատական իշխանության ղեկավար. Իրաքը հետամուտ է լինելու ահաբեկչական հոսանքների դատական գործին
Իրանի Իսլամական Հանրապետության դատական իշխանության ղեկավարն ասել է.-Իրաքի բարձրագույն դատական խորհրդի նախագահը հրաման է արձակել հետամուտ լինել ահաբեկչական հոսանքների դատական գործին։
Իրանի Իսլամական Հանրապետության դատական իշխանության ղեկավար Ղոլամոհսեյն Մոհսենի Էժեին երեկ (հինգշաբթի) երեկոյան Թեհրանի Մեհրաբադ օդանավակայանում Իրաք կատարած իր եռօրյա այցի ավարտին կայացած մամուլի ասուլիսում նշելով,որ Բաղդադում գեներալ Ղասեմ Սոլեյմանիի և նահատակ Աբու Մահդի Ալ-Մոհանդեսի նահատակության վայրը բռնությանն ու կայսերապաշտությանը դիմակայելու և հաստատակամության խորհրդանիշն է և ԱՄՆ-ի հանցագործությունների մեկ նշան, ասել է,- Ահաբեկիչներին հետապնդելու համար իրաքյան կողմին են ներկայացվել ահաբեկչական հոսանքների վերաբերյալ զգալի թվով փաստաթղթեր, և դատական գործեր, և այս երկրի բարձրագույն դատական խորհրդի նախագահը հրաման է արձակել հետամուտ լինել այս գործերին։
Իրանի Իսլամական Հանրապետության դատական իշխանության ղեկավար Ղոլամոհսին Մոհսենի Էժեին հայտարարելով, որ Իրանի Իսլամական Հանրապետության համակարգի քաղաքականությունը բարեկամ և հարևան երկրների հետ հարաբերությունների զարգացումն է, ասել է.-Ներկայումս Իրանի և Իրաքի միջև հարաբերությունները բոլոր՝ հատկապես իրավական ու դատական հարթություններում են զարգանում։
2020 թվականի հունվարի 3-ին, Բաղդադի օդանավակայանում Սպիտակ Տան ահաբեկչական գործողության հետևանքով և ԱՄՆ ժամանակի նախագահ Դոնալդ Թրամփի հրամանով ու այդ երկրի բանակի ԱԹՍ-ներով նահատակվեցին Իրանի Իսլամական հեղափոխության պահապանների կորպուսի Ղոդս ստորաբաժանման նախկին հրամանատար գեներալ Ղասեմ Սոլեյմանին, Իրաքի «Հաշդ-ալ-Շաաբի» ուժերի փոխհրամանատար Աբու Մահդի ալ-Մոհանդեսը և նրա 8 աջակիցներ։
Իրանի Իսլամական Հանրապետության դատական իշխանության ղեկավարն ասել է.-Իրաքի նախագահի, վարչապետի, ևխորհրդարանի մի խումբ պատգամավորների, արդարադատության նախարարի և այդ երկրի ազգային անվտանգության հարցերով խորհրդականի հետ հանդիպման ժամանակ տեղի են ունեցել արդյունավետ քննարկումներ Գազայում Սիոնիստական ռեժիմի հանցագործությունների վերաբերյալ և առաջարկվել են այն միջոցները, որոնք պետք է ձեռնարկվեն այս կապակցությամբ։