Իրանն ու Հայաստանը կհամագործակցեն Նորդուզ-Ագարակ ավտոմոբիլային կամրջի կառուցման հարցում
Իրանի ու Հայաստանի միջև պայմանավորվածություն է ձեռք բերվել հուշագրի ստորագրման օրվանից հետ մեկամսյա ժամկետում Նորդուզ-Ագարակ սահմանային տերմինալում նոր ավտոմոբիլային կամրջի կառուցումը ներառել երկու երկրների համապատասխան նախարարությունների օրակարգում։
Պայմանավորվածությունը ձեռք է բերվել Իրան-Հայաստան տնտեսական համագործակցության համատեղ հանձնաժողովի նիստի ժամանակ։
ՀՀ Տարածքային կառավարման և ենթակառուցվածքների փոխնախարարի և նրան ուղեկցող պատվիրակության անդամների և ԻԻՀ ճանապարհների և քաղաքաշինության փոխնախարար Խայրալե Խադեմիի՝ Թեհրանում կայացած հանդիպման ժամանակ, կողմերը քննարկել են համագործակցության ներկա վիճակը և հարաբերությունների զարգացման ու ընդլայնման հեռանկարները։
Հանդիպմանը քննարկվել են նաև մի շարք այլ հարցեր, այդ թվում՝ երկու երկրների միջև տրանսպորտային միջանցքների, հատկապես՝ «Հյուսիս-Հարավ» միջանցքի զարգացումը, թունելների և հատուկ տեխնիկական կառույցների կառուցումը, տեխնիկական և ինժեներական ծառայությունների արտահանումը։
Հայաստանում շարունակվում են «Հյուսիս-Հարավ» միջանցքի կառուցման աշխատանքներն, իսկ Իրանը նախագծում է այդ միջանցքը՝ Պարսից ծոցից Վրաստան և Սև ծով բեռների և ուղևորների տարանցումը զարգացնելու համար։
Թավիզից Նորդուզ նոր ճանապարհի կառուցմամբ Իրանը պահմաններ է ապահովել միջանցքի կառուցման ավարտի համար, որը կկրճատի երթուղին և կկարողանա մրցել այլ միջանցքների հետ։