Ամիր Աբդոլլահյան. ԱՄՆ-ն պետք է վերջ դնի կեղծավորությանը
Իրանի Իսլամական Հանրապետության արտաքին գործերի նախարարն անդրադառնալով տարածաշրջանում տեղի ունեցող զարգացումների նկատմամբ ԱՄՆ-ի երկակի պահվածքին ասել է,-Միացյալ Նահանգները պետք է վերջ դնի կեղծավորությանը։
Ժնևում լրագրողների հետ հանդիպման ժամանակ, Հոսեյն Ամիր Աբդոլլահյանն անդրադառնալով ՄԱԿ-ի Մարդու իրավունքների խորհրդի 55-րդ նիստաշրջանին իր մասնակցությանը, ասել է.-Այս հանդիպմանը մասնակցելն ինձ համար առիթ եղավ լուսաբանելու Թեհրանի դիրքորոշումը Իրանի Իսլամական Հանրապետության դեմ քաղաքականացված մարդու իրավունքների գործի վերաբերյալ և արտահայտելու Իրանի տեսակետը Սիոնիստական ռեժիմի կողմից Գազայի ժողովրդի դեմ ցեղասպանությունը դադարեցնելու անհրաժեշտության վերաբերյալ:
Նա ասել է,-Այս ուղևորության ընթացքում մենք կենտրոնացանք տարածաշրջանում կայուն անվտանգության կարևորության վրա, քանի որ կայուն անվտանգության հիման վրա մենք կարող ենք ունենալ կայուն զարգացում և ավելի ուժեղ միջազգային առևտուր, և այս տեսանկյունից մենք համոզված ենք, որ Գազայի ժողովրդի դեմ հանցագործությունների և ցեղասպանության դադարեցումը կարող է դրական ազդեցություն ունենալ տարածաշրջանի անվտանգության և խաղաղության վրա։