Իսրայելը կանխում է Իրանի կողմից ուղարկված հումանիտար օգնության մուտքը Գազա
Իրանի Կարմիր մահիկի կազմակերպության ղեկավարը հայտարարել է, որ Պաղեստինի ժողովրդի և փախստականների համար Թեհրանի կողմից ուղարկված հումանիտար օգնության միայն 25 տոկոսն է մուտք գործել Գազա։
ԻՌՆԱ-ի հաղորդմամբ՝ Փիրհոսեյն Քոլիվանդը հայտարարել է, որ Սիոնսիտական ռեժիմը խոչըդնոտում է հումանիտար օգնության տրամադրմանը, դա օգտագործելով որպես պատժիչ լծակ։ Նա նշել է․ «Միջազգային դատարանի գլխավոր դատախազին ուղղված նամակում Իրանն անդրադարձել է Սիոնիստական զավթիչ ռեժիմի հանցագործությունների 90 դեպքի և միջազգային օրենքների խախտումներին։ Մինչ այժմ Իրանի նամակը ստորագրել է 86 երկիր»։
Քոլիվանդը հայտարարել է Գազայի հատվածում մարդասիրական իրավունքների ոտնահարման և Պաղեստինի բռնազավթման վերաբերյալ միջազգային կոնգրեսի անցկացման մասին, հավելելով, որ համաժողովին կմասնակցի 21 երկրից 40 հազար մարդ։
Իսլամական հեղափոխության հաղթանակին հաջորդած տարիների ընթացքում Իրանը լայնածավալ աջակցություն է ցուցաբերել աշխարհի ազատատենչ ժողովուրդներին, հատկապես՝ Պաղեստինի ճնշված ժողովրդին։ Իսկ հեղափոխության առաջնորդ իմամ խոմեյնին ռամադան ամսվա վերջին ուրբաթ օրն անվանել է «Ղոդսի (Երուսաղեմի) համաշխարհային օր»։
Բազմիցս ընդգծելով Սիոնիստական ռեժիմի հանցագործությունների անհապաղ դադարեցման անհրաժեշտությունն Իրանը մշտապես հայտարարել է, որ Պաղեստինը պետք է կառավարվի էթնիկ բոլոր խմբերին պատկանող պաղեստինցիների կողմից, և օտար ուժերը չպետք է միջամտեն այդ երկրի ներքին գործերին։
