Իրանցի կին մրցավարները՝ Փարիզում անցկացվող թեկվոնդոյի օլիմպիական և պարալիմպիական խաղերում
Իրանի թեկվոնդոյի մրցավարուհի Մարջան Թեյմուրին 2024 թվականին կայանալիք պարալիմպիական խաղերի համար մրցավար ընտրվելուց հետո, Թեկվոնդոյի համաշխարհային ֆեդերացիան հայտարարել է 2024 թվականի Փարիզի Օլիմպիական խաղերում իրանցի մեկ այլ մրցավարուհի՝ Մասումե Բաղերիի ներկայության մասին։
Մասումե Բաղերին և Մարջան Թեյմուրին առաջին անգամ մրցումների այս մակարդակում հանդես են գալու,որպես մրցավարներ։
«Փարիզ- 2024» Օլիմպիական խաղերի թեկվոնդոյի մրցումները այս տարի օգոստոսի 7-10-ը տեղի կունենան Ֆրանսիայում։
Ավելի վաղ թեկվոնդոյի համաշխարհային ֆեդերացիան 2024 թվականին Փարիզում կայանալիք պարալիմպիական խաղերի համար ընտրել էր 30 մրցավարների, և այս կարևոր իրադարձությանը հրավիրված մրցավարների թվում երևում է Իրանի թեկվոնդոյի միջազգային մրցավար Մարջան Թեյմուրիի անունը։
Թեյմուրին նախկինում մրցել է աշխարհի, Ասիայի և Գրան պրիի առաջնություններում, իսկ անցած տարվա փետրվարին Համաշխարհային ֆեդերացիայի կողմից հրավիրվել էր մասնակցելու պարալիմպիական ընտրական ուսումնավարժական ճամբարին և վերջապես ընդգրկվել պարալիմպիական խաղերի մրցավարների վերջնական ցուցակում։
Օլիմպիական մրցումներից հետո, օգոստոսի 29-31ը «Փարիզ- 2024» թվականի պարալիմպիական խաղերում կանցկացվեն թեկվոնդոյի մրցումներ։