Ինչպե՞ս է լինելու Իրան-Իսրայել պատերազմն առանց Արևմուտքի միջամտության
Իսրայելի դեմ Իրանի պատժիչ հարձակման ավարտից հետո ռազմական վերլուծաբանները քննարկել են այս պատերազմի ասպեկտներն ու արդյունքները:
Այն ոլորտներից մեկը, որի վրա կենտրոնանում են շատ վերլուծաբաններ, Իսրայելի պաշտպանական համակարգի թուլությունն ու հզորությունն է: Ապրիլի 13-ին օկուպացված տարածքների վրա Իրանի հարձակումներում Երկաթե գմբեթը ցույց տվեց իր թուլությունը և իրանական բազմաթիվ անօդաչու թռչող սարքեր և հրթիռներ ճեղքեցին Իսրայելի պաշտպանական պատը։
Ռազմական վերլուծաբանները քննարկել են այս հարցը և այն խնդիրները, որոնց Իսրայելը կբախվի հետագա հնարավոր պատերազմներում։
Իրանի պատժիչ հարձակումն Իսրայելի վրա՝ վերք, որը չի ապաքինվելու
Սիոնիստական ռեժիմի պաշտպանական համակարգի գործունեության մասին Իսրայելի նախկին վարչապետ Էհուդ Օլմերտի հայտարարություններն ավելի շատ կասկածներ են առաջացրել արևմտյան խոշոր տերությունների օգնության բացակայության դեպքում օկուպանտների կարողությունների և հնարավորությունների վերաբերյալ՝ Իրանի հարձակմանը և պաղեստինյան դիմադրության հարձակումներին՝ դիմակայելու հարցում:
Օլմերթն ասել է,-«Իսրայելական բանակին չէր հաջողվի հետ մղել Իրանի թիրախների ավելի քան 75 տոկոսն առանց այլ երկրների (իր դաշնակիցների) օգնության»։
Ռազմական և ռազմավարական հարցերի փորձագետ, գնդապետ Հաթամ Քարիմ ալ-Ֆալահիի կարծիքով՝ այս հայտարարությունը չափազանցված է։
Հաթամ Քարիմ ալ-Ֆալահին համոզված է, որ Իսրայելը միայնակ չէր կարող որսալ և ոչնչացնել Իրանի անօդաչու թռչող սարքերի և հրթիռների 75%-ը, սակայն այս ռազմական վերլուծաբանը Al Jazeera հեռուստաընկերությանը տված հարցազրույցում ընդգծել է, որ Իսրայելը միայնակ է Իրանի դիմաց և այդ պատճառով. նա ի վիճակի չէ մեծ պատերազմ մղել Իրանի դեմ։
Al Jazeera հեռուստաընկերության հաղորդման համաձայն՝ Իրանը անցյալ ուրբաթ լուսադեմին հայտարարեց, որ Սպահանի երկնքում պայթյուններ են տեղի ունեցել և հաստատեց, որ Իրանի դեմ հրթիռային հարձակում չի եղել և երկրի զգայուն օբյեկտներին վնաս չի հասցվել։ Մինչդեռ ամերիկյան լրատվամիջոցները, վկայակոչելով այդ երկրի պաշտոնյաներին, հաղորդել են, որ Իսրայելը հարձակվել է Սպահանի վրա՝ ի պատասխան ապրիլի 13-ին Իրանի հարձակումների։
Ըստ Հաթեմ Քարիմ ալ-Ֆալահիի վերլուծության՝ Իրանի հարձակումը բազմաթիվ ճշմարտություններ է բացահայտել իսրայելական բանակի հնարավորությունների մասին։ Բացահայտված թույլ կողմերի թվում է Իսրայելի հակաօդային պաշտպանության համակարգի խոցելիությունը։ Այդ ընթացքում ավելի ակնհայտ դարձավ Երկաթե գմբեթի թուլությունը։
«Երկաթե գմբեթը» նախկինում չէր կարողացել դիմակայել Գազայի հատվածից արձակված հրթիռներին։
Ալ-Ֆալահին այս կապակցությամբ հավելել է,-«Իսրայելը չի կարող որսալ և խոցել օկուպացված տարածքների ուղղությամբ արձակված հրթիռների նույնիսկ 25%-ը՝ առանց իր 3 դաշնակից գերտերությունների՝ ԱՄՆ-ի, Անգլիայի և Ֆրանսիայի միջամտության»։
Ի՞նչ զինատեսակներ են կիրառվել վերջին հարձակումների ժամանակ։
Ալ-Ֆալահիի խոսքով՝ Իսրայելն ունի հակաօդային պաշտպանության երեք համակարգ՝ «Երկաթե գմբեթ», «Դավթի պարսատիկ» և «Խեց»:
Բացի դրանցից, Սիոնիստական ռեժիմն ունի որսացող ինքնաթիռներ և հակաօդային պաշտպանության տարբեր զինատեսակներ, որոնք օգտագործվում են որպես արդյունավետ զենք՝ թշնամու ինքնաթիռները խոցելու համար։ Սակայն այս ուշագրավ սարքավորումները չկարողացան դիմակայել Իրանի հրթիռային և անօդաչուների հարձակումներին, և Իրանի հրթիռներն ու անօդաչու թռչող սարքերը կարողացան ճեղքել Իսրայելի պաշտպանական գիծը։
«Ալ Ջազիրայի» ռազմական և ռազմավարական փորձագետը նշում է, որ Իրանը չի օգտագործել իր առաջադեմ զենքերը Իսրայելի վրա հարձակման ժամանակ, այլ միայն օգտագործել է իր հին զենքերը և այդ ԱԹՍ-ներից շատերը ցածր արագությամբ և բացահայտորեն ուղարկեց դեպի օկուպացված տարածքներ թշնամուն մոլորեցնելու համար։
Հարկ է նշել, որ ԱՄՆ-ն, Անգլիան և Ֆրանսիան մասնակցել են ապրիլի 13-ին Իսրայելին թիրախ դարձրած իրանական հրթիռների և անօդաչու թռչող սարքերի հետ մղմանը և իրենց բացարձակ աջակցությունը հայտնել Թել Ավիվին, սակայն հայտարարել են, որ չեն ցանկանում սրել լարվածությունը տարածաշրջանում։
Al Jazeera-ի վերլուծաբանն ընդգծել է, որ այն պատերազմում, որին կմասնակցեն միայն Իրանն ու Իսրայելը, Սիոնիստական ռեժիմը ոչ մի շանս չի կարող ունենալ։