«Ումա Օյա» հիդրոէներգետիկայի գերնախագծի բացումը՝ իրանցի ինժեներների գլուխգործոցը Շրի Լանկայում
Իրանի Իսլամական Հանրապետության նախագահը Շրի Լանկայում իրանցի ինժեներների գլուխգործոց հանդիսացող «Ումա Օյա» (Uma Oya) ամբարտակի և էլեկտրակայանի բազմաֆունկցիոնալ նախագծի բացման արարողության ժամանակ ունեցած ելույթում ասել է. -«Իրանը հիդրոէներգետիկայի խոշոր ծրագրեր ու նախագծեր է իրականացնում ավելի քան 20 երկրներում»։
«Արևմտյան երկրները փորձում էին համոզել, որ միայն իրենց տրամադրության տակ են գտնվում գիտելիքն ու տեխնոլոգիան, սակայն այսօր իրանցի մասնագետների և գիտնականների կարող ձեռքերը մեծ գործեր են արել և անում են ոչ միայն Իրանում, այլև ամբողջ Ասիա մայրցամաքում և տարածաշրջանի երկրներում», նշել է Սեյեդ Էբրահիմ Ռայիսին։
Անդրադառնալով Իրանի Իսլամական Հանրապետության արտաքին քաղաքականության մեջ ասիական և հարևան երկրների դիրքին, ԻԻՀ նախագահն ասել է.-«Իրանի և Շրի Լանկայի հարաբերությունը՝ ասիական երկրի և անկախ ու համախոհ երկրի հետ հարաբերություն է, որը կարող է լուսավոր ապագա կերտել երկու երկրների և երկու ժողովուրդների համար»։
Նշելով, որ Իրանին մեկուսացնելու թշնամիների ջանքերը ձախողվել են, Ռայիսին հավելել է. -«Իսլամական Հանրապետությունը պատրաստ է մասնակցել Շրի Լանկայի առաջընթացին և իր ամբողջ փորձը տրամադրել այդ երկրին, որը արդյունքն է իրանցի տղամարդկանց և կանանց 45 տարվա ջանքերի»։
