ԻԻՀ նախագահը ցավակցել է Լիբանանի ժողովրդին
ԻԻՀ նախագահը ցավակցություն է հայտնել Լիբանանի ժողովրդին՝ սիոնիստների կողմից վերջերս իրականացված հանցագործության հետևանքով մի շարք քաղաքացիների նահատակության և վիրավորվելու կապակցությամբ։
Երեքշաբթի օրը Լիբանանի տարբեր շրջաններում Սիոնիստական ռեժիմի կողմից իրականացված՝ փեյջերների պայթյունների հետևանքով, առնվազն 12 մարդ զոհվել է, ավելի քան 3 հազարը՝ վիրավորվել։
Ահաբեկչության հետևանքով վիրավորվել է նաև Բեյրութում Իրանի Իսլամական Հանրապետության դեսպան Մոջթաբա Ամանին։
ԻՌՆԱ-ի հաղորդմամբ՝ Լիբանանի ժողովրդին ուղղված ցավակցական ուղերձում, ԻԻՀ նախագահ Մասուդ Փեզեշքյանը փեյջերների պայթյունը որակել է որպես Սիոնսիտականմ ռեժիմի կողմից իրականացված ահաբեկչական գործողություն, որի ժամանակ հաշվի չի առնվել խաղաղ բնակիչների և մյուսների տարբերությունը։
Իրանի ժողովրդի և կառավարության կողմից ցավակցություն հայտնելով Լիբանանի ժողովրդին, Փեզեշքյանը ուղերձում հայտարարել է. «Հանցագործն անպայման կպատժվի»։
Չորեքշաբթի օրը ԶԼՄ-ները հայտնել են Բեյրութի հարավային արվարձաններում և Լիբանանի այլ շրջաններում նոր պայթյունների մասին, որոնք նման են եղել երեքշաբթի օրը տեղի ունեցած պայթյուններին: Հաղորդվում է, որ պայթած սարքերը եղել են ICOM V 82 տիպի, և «Մոսադը» դրանց մեջ նույնպես տեղադրել է պայթուցիկ նյութեր։
Ըստ որոշ լուրերի՝ պայթած սարքերի թվում եղել են նաև բջջային հեռախոսներ, նոութբուքեր և համակարգիչներ։ Հաղորդվում է, որ պայթյունների հետևանքով տներում հրդեհներ են բռնկվել, իսկ որոշ մեքենաներ այրվել են։
