Թեհրանում կայացել է ԻՀՊԿ ավիատիեզերական ուժերի նահատակների հիշատակի արարողությունը
Իրանի հրթիռային գիտության հայր, գեներալ Հասան Թեհրանի Մողադամի նահատակության 13-րդ տարելիցի օրը, մի խումբ պաշտոնյաների մասնակցությամբ, Թեհրանում կայացել է ԻՀՊԿ ավիատիեզերական ուժերի նահատակների հիշատակի արարողություն։
Iran Press-ի փոխանցմամբ՝ արարողությունը տեղի է ունեցել ԻՀՊԿ ավիատիեզերական ուժերի հուշահամալիրում։ Արարողությանը ներկա են եղել ԻՀՊԿ ավիատիեզերական ուժերի հրամանատար Ամիր Ալի Հաջիզադեն և իսլամական խորհրդարանի նախագահ Մոհամմադ Բաղեր Ղալիբաֆը:
ԻՀՊԿ ավիատիեզերական ուժերն այս տարի Հասան Թեհրանի Մողադամի նահատակության տարելիցի կապակցությամբ կազմակերպել են մի շարք ծրագրեր, այդ թվում՝ հանրային այցեր Ազգային ավիատիեզերական պարկ, աուդիո գրքերի մրցույթ և մեծ նահատակի կյանքին և Իրանի՝ հրթիռային տերության վերածվելու ուղուն նվիրված վավերագրական ու գեղարվեստական ֆիլմերի ցուցադրություններ։
