Ընդգծվել է Թեհրանի եւ Պեկինի միջեւ ռազմավարական հարաբերությունների ընդլայնումը

Parstoday - Միջազգային հարցերով Իսլամական հեղափոխության առաջնորդի խորհրդականն առանձնակի կարևորել է Իրանի և Չինաստանի ռազմավարական համագործակցությունը քաղաքական, տնտեսական, մշակութային և գիտական ​​ոլորտներում և ընդգծել համատեղ կարողություններից օգտվելու անհրաժեշտությունը:

Ինչպես հաղորդում է Pars Today-ը՝ վկայակոչելով Իրանի ուսանողների լրատվական գործակալությունը (ISNA), Իսլամական հեղափոխության առաջնորդի միջազգային հարցերով խորհրդական Ալի Աքբար Վելայաթին և Թեհրանում Չինաստանի դեսպան Զոնգ Փի Վուն հանդիպման ժամանակ մտքերի փոխանակում են կատարել երկու երկրների համագործակցության ընդլայնման մասին։

Չինաստանի դեսպանը, իր գոհունակությունը հայտնելով երկկողմ համագործակցության ընդլայնման կապակցությամբ, ընդգծել է Թեհրանի հետ հարաբերություններն ամրապնդելու Պեկինի վճռականությունը և այդ հարաբերությունները համարել է հօգուտ տարածաշրջանի և աշխարհի կայունությանն ու զարգացմանը։

Համաձայն այս հաղորդագրության՝ երկու կողմերն ընդգծել են բոլոր ոլորտներում երկկողմ հարաբերությունների ընդլայնման և խորացման կարևորությունը և Իրանի և Չինաստանի համագործակցությունը համարել են ազդեցիկ գործոն նոր գլոբալ հավասարումների և միջազգային կարգի ձևավորման գործում։

Իսլամական հեղափոխության առաջնորդի միջազգային հարցերով խորհրդականը և Թեհրանում Չինաստանի դեսպանը քննարկել են նաև տարածաշրջանային զարգացումները և ընդգծել են տարածաշրջանում խաղաղության և անվտանգության պահպանման համար համագործակցության սերտացումը։