Նովրուզի տոնակատարությունը Թեհրանում դեսպանների և դիվանագիտական առաքելությունների ղեկավարների ներկայությամբ
Pars Today- Նովրուզ 1404-ի տոնակատարությունը տեղի ունեցավ շաբաթ երեկոյան (ֆարվարդինի 16 - ապրիլի 5 , 2025 թ.)՝ Իրանի արտաքին գործերի նախարար Սեյեդ Աբբաս Արաղչիի հյուրընկալությամբ և Թեհրանում բնակվող դեսպանների և դիվանագիտական առաքելությունների ղեկավարների և նրանց կանանց և ամուսինների ներկայությամբ:
Ըստ Parstoday-ի որը մեջբերել է ԻՌՆԱ-ն, այս միջոցառմանը, որին ներկա էին ԻԻՀ մի շարք նախարարներ և բարձրաստիճան պաշտոնյաներ, Թեհրանում Խորվաթիայի Հանրապետության դեսպան Դրագո Շտամբոկը, որպես գլխավոր դեսպան, շնորհավորեց գարնան և Նովրուզի գալուստը և բոլորին խնդրեց ուշադրություն դարձնել Նովրուզի ուղերձին, որն է մարդկային համերաշխությունը և խաղաղությունը։
Իրանի ԱԳ նախարար Աբբաս Արաղչին իր ելույթում, շնորհավորելով Նովրուզի և Ֆեթր տոնի առիթները և դիտարկելով 1403 թվականի իրադարձությունները՝ որպես իրադարձություններով լի ու դժվարին տարի Իրանի և տարածաշրջանի համար, ընդգծեց ԻԻՀ վճռականությունը նոր տարում առաջ տանելու իր սկզբունքային և պատասխանատու քաղաքականությունը:
Անդրադառնալով Գազայում, Լիբանանում և Սիրիայում Սիոնիստական ռեժիմի պատերազմի հետևանքով մարդկային ողբերգություններին, ինչպես նաև Եմենի դեմ ԱՄՆ-ի անօրինական հարձակումներին՝ Արաղչին ընդգծել է երկրների միջև համերաշխության և համագործակցության անհրաժեշտությունը՝ վերջ դնելու պաղեստինյան ճնշված ժողովրդի տառապանքներին և կասեցնելու Իսրայելի ռեժիմի ագրեսիան Լիբանանի և Սիրիայի դեմ։
ԻԻՀ ԱԳ նախարարը նաև, հիշեցնելով Իսլամական Հանրապետության միջուկային ծրագրի լիովին խաղաղ բնույթը, հայտարարեց. «Իրանը նախկինում ընդունել էր մի շարք կամավոր միջոցներ՝ ՀԳԾԻ-ի շրջանակներում՝ հավաստիացնելու իր միջուկային ծրագրի բնույթը, բայց ԱՄՆ-ն էր, որ միակողմանի դուրս եկավ այդ համաձայնագրից, և այժմ, այդ փորձից օգտվելով, մենք պատրաստ ենք երկխոսել մեր միջուկային ծրագրի և պատժամիջոցների վերացման շուրջ՝ հիմնվելով Իրանի նկատմամբ վստահության բարձրացման տրամաբանության հիման վրա»:
Վերջում Սեյեդ Աբբաս Արաղչին, անդրադառնալով Իրանի արտաքին քաղաքականության սկզբունքներին իր հարևանների և աշխարհի այլ երկրների հետ, հույս հայտնեց, որ նոր տարում նրանք ականատես կլինեն հարաբերությունների ընդլայնմանը տարբեր քաղաքական, տնտեսական և մշակութային ոլորտներում։
