Փեզեշքյան․ Ղորբան տոնն Աստծուն երկրպագության ամենամաքուր դրսևորումն է
ԻԻՀ նախագահը շնորհավորել է իսլամական երկրների ղեկավարներին և ժողովուրդներին՝ Ղորբան տոնի կապակցությամբ։
Հղում անելով ԻՌՆԱ-ին, Pars Today-ը հաղորդում է, որ Մասուդ Փեզեշքյանը հինգշաբթի օրը հրապարակել է ուղերձ, որում շնորհավորել է իսլամական երկրների առաջնորդներին և ժողովուրդներին՝ Ղորբանի տոնի կապակցությամբ։
Ուղերձում ասված է․ «Ղորբան տոնն Աստծուն երկրպագության ամենամաքուր դրսևորումն է, Աստծու առջև հնազանդության խորհրդանիշը և մարգարե Աբրահամի կողմից աստվածային փորձությունը հաղթահարելու օրը»:
Փեզեշքյանը նշել է. «Հուսով եմ, որ տոնի շնորհիվ մենք ավելի քան երբևէ կտեսնենք մուսուլմանների միասնությունն ու ամբողջականությունը, ինչպես նաև իսլամի ժողովրդի հպարտությունը, և իսլամի ու այս լուսավոր կրոնի մարգարե Մոհամմադի թանկարժեք ուսմունքների ստվերի տակ կքայլենք տարբեր ոլորտներում զարգացման և առաջընթացի ճանապարհով»։
ԻՌՆԱ-ի փոխանցմամբ՝ ավելի վաղ, առանձին հեռախոսազրույցներում, ԻԻՀ նախագահը տոնի կապակցությամբ շնորհավորել էր Սաուդյան Արաբիայի, Եգիպտոսի, Ուզբեկստանի, Թունիսի, Տաջիկստանի, Ղազախստանի, Մալայզիայի, Իրաքի, Թուրքիայի, Ադրբեջանի, Քուվեյթի, Կատարի, Օմանի և Թուրքմենստանի առաջնորդներին։ Հեռախոսազրույցներում ԻԻՀ նախագահի գործընկերներն ընդգծել էին Իրանի հետ հարաբերությունների զարգացման և խորացման անհրաժեշտությունը»։
