Իրանն ու Պակիստանը համագործակցության 12 փաստաթուղթ են ստորագրել

Իրանը և Պակիստանը երկու երկրների ղեկավարների ներկայությամբ ստորագրել են համագործակցության 12 համաձայնագիր, որոնք ընդգրկում են տարբեր ոլորտներ, այդ թվում՝ գիտություն և տեխնոլոգիա, տրանսպորտ և տարանցում, տնտեսություն և առևտուր, զբոսաշրջություն և գյուղատնտեսություն, հայտնում է Mehr-ը։

Կիրակի օրը Իրանի նախագահ Մասուդ Փեզեշքյանի՝ Պակիստան կատարած պաշտոնական այցի ընթացքում երկու երկրների բարձրաստիճան պաշտոնյաները ստորագրել են համաձայնագրերը՝ երկկողմ համագործակցության զարգացմանը նպաստելու և դրա համար ճանապարհ հարթելու նպատակով համատեղ հանդիպում անցկացնելուց հետո։

Ստորագրված փաստաթղթերը հիմք են ստեղծում «գիտելիքների փոխանակման, առևտրային ներուժի ընդլայնման, մարդկանց միջև փոխգործակցության ամրապնդման և երկու երկրների միջև տարածաշրջանային սիներգիայի խթանման համար», հաղորդում է իրանական լրատվամիջոցը։