Լարիջանի․ Շուտով կվերացվեն Հյուսիս-Հարավ միջանցքի հետ կապված բոլոր խոչընդոտները

Pars Today - Իրանի Ազգային անվտանգության գերագույն խորհրդի քարտուղարն ընդգծել է Թեհրանի վճռականությունը՝ Հյուսիս-Հարավ միջանցքն արագ իրագործելու համար։

 Իրանի Ազգային անվտանգության գերագույն խորհրդի քարտուղար Ալի Լարիջանին Թեհրանում Վիտալի Սավելևի հետ հանդիպման ժամանակ հայտարարել է, որ կարճ ժամանակահատվածում կվերացվեն բոլոր գործադիր և ինստիտուցիոնալ խոչընդոտները, և կկնքվեն անհրաժեշտ համաձայնագրեր՝ Հյուսիս-Հարավ միջանցքը իրավականորեն ամրագրելու համար։

Իրանի առաջին փոխնախագահի հետևողական քայլերին անդրադառնալով՝  Իրանի Ազգային անվտանգության գերագույն խորհրդի քարտուղարը հավելել է, որ միջանցքի երթուղու  տարածքները ձեռք կբերվեն, որպեսզի նախագծի իրականացումը կարողանա շարունակվել առանց ընդհատումների։

Սավելևը ևս ողջունել է Իրանի վճռական մոտեցումը և հայտարարել է Մոսկվայի պատրաստակամությունը՝ շահագործման փուլի մեկնարկն արագացնելու  համար։  Երկու կողմերը Հյուսիս-Հարավ միջանցքը համարել են տարածաշրջանի աշխարհաքաղաքականության կարևոր գործոն և կայուն համագործակցության համատեղ ռազմավարության  մաս։