ԻՀՊԿ. Եթե ագրեսորին աջակցող երկրները չփոխեն իրենց վարքագիծը, կստանան կոշտ պատասխան
ԻՀՊԿ-ն հայտարարել է, որ եթե ագրեսորին աջակցող երկրները չփոխեն իրենց վարքագիծը, կստանան կոշտ պատասխան։
Հղում անելով IRNA-ին, Pars Today-ը հաղորդում է, հայտարարության մեջ ասվում է.
«Հանուն Աստծո
Պայքարեք նրանց դեմ, մինչև որ սադրանքը անհետանա․․․
Իսլամական Իրանի ժողովրդի պատվարժան զավակներ, ձեր վճռականությունն ու անսասան կամքը խաթարել են հակառակորդի ծրագրերը, ավելի են ամրապնդել իսլամի մարտիկների շարքերը և նոր շունչ ու ոգի հաղորդել նրանց։
Անցած գիշեր երկու նավթատար տանկերներ, ամերիկյան անօդաչու թռչող սարքերի ուղեկցությամբ, փորձել են դուրս գալ Հորմուզի նեղուցի հարավային հատվածի ոչ անվտանգ երթուղուց, սակայն դրանցից մեկում ուժեղ հրդեհ բռնկվելուց հետո երկու նավերն էլ մեծ արագությամբ հետ են վերադարձել։
Հորմուզի նեղուցը մեր տարածքն է, և ԻՀՊԿ ռազմածովային ուժերը վերահսկում են այն։ Հազարավոր կիլոմետրերից այստեղ եկած օտարներին չի թույլատրվի միջամտել այդ հարցում։ Ամենակարող Աստծո օգնությամբ ագրեսորը հենց այսօր կպատժվի։
Եթե ագրեսորին աջակցող երկրները չփոխեն իրենց վարքագիծը, կստանան կոշտ պատասխան։
Հորմուզի նեղուցը չի կարող վերաբացվել, քանի դեռ շարունակվում են ամերիկացի պաշտոնյաների սպառնալիքներն ու անհիմն հայտարարությունները, ինչպես նաև նրանց միջամտությունը տարածաշրջանի ծովային տեղաշարժերին։ Սպառնալիքներն ու միջամտությունները միայն ավելի կբարդացնեն իրավիճակը»։
