Բաղայի․ Եվրոպան գործնականում Վաշինգտոնի հրահանգների կատարողն է
Pars Today — Իրանի արտաքին գործերի նախարարության խոսնակ Իսմայիլ Բաղային, արձագանքելով Իրանի դեմ ԱՄՆ-ի տնտեսական պատերազմին Եվրոպայի աջակցությանը, հայտարարել է, որ Եվրոպան այլևս չի կարող խոսել «ռազմավարական ինքնավարության» մասին, երբ գործնականում իրեն վերածել է Վաշինգտոնի հրահանգները կատարողի։
Pars Today-ի հաղորդմամբ՝ հղում անելով Իրանի ռադիո-հեռուստատեսության լրատվական գործակալությանը՝ Իսմայիլ Բաղային երկուշաբթի երեկոյան, արձագանքելով Իրանի դեմ ԱՄՆ-ի տնտեսական պատերազմին աջակցող Եվրամիության հայտարարությանը, գրել է․ «Ֆրանսիացի գրող Էթյեն դը Լա Բոեսին «Կամավոր ստրկության մասին խոսք» աշխատության մեջ մի հիմնարար ճշմարտություն է ներկայացնում բռնապետության և գերիշխանության ձևավորման նախադրյալների վերաբերյալ․ գերիշխանությունը միայն ուժի արդյունք չէ, այն հաճախ ձևավորվում է ինքնուրույն գործելու կարողություն ունեցող մարդկանց հնազանդության արդյունքում»։
Բաղային ընդգծել է․ «Եվրոպան այլևս չի կարող խոսել «ռազմավարական ինքնավարության» մասին, երբ գործնականում իրեն վերածել է Վաշինգտոնի հրահանգները կատարողի»։
Նա նշել է․ «Ռազմավարական ինքնավարությունը ձեռք չի բերվում ճոխ ու բարձրագոչ հայտարարություններով, այլ իրականանում է ինքնուրույն և պատասխանատու որոշումներ կայացնելու կամք ու կարողություն դրսևորելով, նույնիսկ եթե այդ որոշումները չեն համընկնում ավելի մեծ տերության դիրքորոշման հետ»։
Բաղային նշել է․ «Եվրոպան պետք է ընտրություն կատարի՝ լինել անկախ դերակատար, թե՞ այնքան սովորել մեկ ուրիշի քաղաքականության արձագանքը լինելուն, որ այդ արձագանքը շփոթի անկախության հետ»։