Գեներալ Շեքարչի․ Հորմուզի նեղուցում նախաձեռնությունը գտնվում է Իրանի զինված ուժերի ձեռքում
Իրանի զինված ուժերի ավագ խոսնակն ասել է, որ ԱՄՆ Կենտրոնական հրամանատարության (CENTCOM) հրամանատարի կեղծ պնդումը հոգեբանական գործողություն է՝ ամերիկացի զինվորների մարտական ոգին բարձրացնելու նպատակով։ Նա նշել է, որ Հորմուզի նեղուցում նախաձեռնությունը շարունակում է մնալ Իրանի հզոր զինված ուժերի ձեռքում։
Pars Today-ը, վկայակոչելով Mehr-ը, հաղորդում է, որ Աբոլֆազլ Շեքարչին գրել է․ «CENTCOM-ի հրամանատարի հայտարարությունը՝ նավթատարներն ուղեկցելու և վերջին երկու ամիսների ընթացքում մեկ միլիարդ բարել նավթի դուրսբերման մասին, անհիմն է, կեղծ և ծիծաղելի։ Դա հոգեբանական անհաջող գործողություն է՝ տարածաշրջանում ԱՄՆ ահաբեկչական բանակի հոգնած ու հյուծված ուժերին ոգևորելու և տարածաշրջանում ԱՄՆ-ի հսկայական ֆինանսական ու մարդկային ծախսերն արդարացնելու նպատակով, և չի կարող փոխել այդ երկրի ագրեսոր բանակի՝ տարածաշրջանից դուրս գալու փաստը»։
Նա ընդգծել է, որ Հորմուզի նեղուցում նախաձեռնությունը շարունակում է մնալ Իրանի հզոր զինված ուժերի ձեռքում։