Արաֆեյի աղոթքը կկազմակերպվի բովանդակ Իրանում
Արաֆեյի բազմաշնորհ աղոթքն այսօր՝ կիրակի կկազմակերպվի բովանդակ Իրանում:
Իրանի Ռադիո-հեռուստատեսության լրատվական գործակալության հաղորդման համաձայն, Իրանի Հաջջի և ուխտագնացության կազմակերպության տնօրեն Սաիդ Օհադին շաբաթ երեկոյան Իրանի հյուսիսային Ռաշտ քաղաքում ասաց. «Արաֆեյի բազմաշնորհ աղոթքը կիրակի ժամը 15-ին, Մինայի ողբերգության զոհերի հիշատակին տեղի կունենա Իրանի գերեզմանատների նահատակների բաժիններում ու աղոթավայրերում»:
«Թեհրանում Արաֆեյի աղոթքը տեղի կունենա Էմամ Խոմեյնու անվան մեծ աղոթավայրում՝ Մոսալայում, որի ընթացքում կբանախոսի Հաջջում մեծահարգ առաջնորդի ներկայացուցչության պատասխանատու Ղազի Ասկարը»,-հայտարարել է Օհադին:
Այս տարի Արաֆեյի աղոթքն այն պայմաններում է կազմակերպվում Իրանում, երբ Ալե Սաուդի ռեժիմը արգելել է Հաջջի արարողությանն իրանցի ուխտավորների մասնակցությունը:
Հիշեցնենք, որ անցած տարի Աստծո տան հազարավոր ուխտավորներ, այդ թվում հարյուրավոր իրանցիներ երբ Ռամյե Ջամարաթի արարողությունից հետո գնում էին դեպի Մինա, ճանապարհը խցանվելու, բազմության հրմշտոցի և Արաբիայի պատասխանատուների ապաշնորհության պատճառով աղետի մատնվելով, զոհվեցին:
