Հաջջի կառավարման համար անհրաժեշտ է ստեղծել իսլամական միջազգային կոմիտե
Երկուշաբթի օրը, ԻՌՆԱ-ին տված հարցազրույցում, ՌԴ-ի «Ժամանակակից աշխարհի քաղաքականությունների ու կրոնների ռազմավարական հետազոտությունների կենտրոնի» տնօրեն Մաքսիմ Շևչենկոն ասել է.«Հաջջի ուխտագնացության կազմակերպումն ու կառավարումը պիտի ստանձնի իսլամական մի քանի երկրների ղեկավարներից կամ ավագ պաշտոնատարներից կազմված կոմիտեն»:
Շարունակելով իր խոսքերը Շևչենկոն հավելել է.«Սաուդյան Արաբիան է Մինայի ողբերգության անմիջական պատասխանատուն, քանի որ այդ երկիր այցելող ուխտավորների անվտանգությունը ապահովելու հարցում ինքն է պատասխանատու»:
Ռուս փորձագետի խոսքերով, սաուդական իշխանությունը մեծ եկամուտ է ապահովում Հաջջի ուխտագնացության անցկացման օրերին: Այդ օրերին ուխտավորների անվտանգությունն ապահովելու փոխարեն այդ գումարները ներդրվում են արևմտյան բանկերում ու ֆինանսական հաստատություններում, ինչը ամբողջությամբ սխալ և անընդունելի քայլ է»:
