Իրանի իսլամական խորհրդարանի նախագահի ուղերձը՝ Մինայի ողբերգության տարելիցի առիթով
Իրանի իսլամական խորհրդարանի նախագահ՝ Ալի Լարիջանին Մինայի ողբերգության առաջին տարելիցի առիթով այսօր հղած ուղերձում ընդգծել է.«Իսլամ աշխարհը և մարդու իրավունքների համաշխարհային կազմակերպությունները պետք է իրենց օրակարգում ներառեն Մինայի ողբերգության համար փաստահավաք կոմիտե ստեղծելու հարցը»:
Իսլամական խորհրդարանի լրատվական գործակալության փոխանցմամբ՝ ուղերձում ասված է.«Մինայի ողբերգությունը վկայում է Հաջջի ուխտագնացության կազմակերպման ու կառավարման հարցում Սաուդյան Արաբիայի իշխանավորների թերացումների մասին»:«Այսօր,Ղուրբան բարեբաստիկ տոնին զուգահեռ, Իրանի ժողովուրդը և աշխարհի մուսուլմանները սգում են Մինայի ողբերգության անմեղ զոհերի կորուստը», ասված է ուղերձում:
«Սաուդյան ռեժիմի երիտասարդ ու փառամոլ ղեկավարնների սխալներով լի քաղաքականությունները , այդ թվում Եմենի դեմ ոտնձգությունը , տարածաշրջանում թաքֆիրական ահաբեկիչներին հովանավորելը և Երուսաղեմը բռնագրավող ռեժիմին թաքուն ու բացահայտ հովանավորություն ցուցաբերելը , վտանգի տակ են դրել Իսլամ կրոնի իրական էությունը», ասված է Լարիջանիի ուղերձում:
