Իրանը միացավ Էներգետիկայի համաշխարհային հռչակագրին
ԻԻՀ էներգետիկայի նախարար Համիդ Չիթչիանն ուրբաթ օրը ճապոնիայում գումարված Էներգետիկայի համաշխարհային հռչակագրի 27-րդ նստաշրջանում ստորագրեց Էներգետիկայի միջազգային հռչակագրի կապակցությամբ «Հաագա 2» նախարարական համաժողովի եզրափակիչ փաստաթուղթը:
ԻՌՆԱ-ի հաղորդման համաձայն, փաստաթղթի ստորագրման հանդիսությանը ներկա գտնվեցին Էներգետիկայի համաշխարային հռչակագրի գլխավոր քարտուղար Օրբան Ռասնաքը, Ճապոնիայի ԱԳ նախարար Ֆումիո Քիշիդան և հռչակագրի անդամ երկրների ներկայացուցիչները:
Էներգետիկայի միջազգային հռչակագրի կապակցությամբ «Հաագա 2» նախարարական համաժողովը գումարվեց 2015 թվականին Հաագայում, նպատակ ունենալով վավերացնել Եվրոպայի էներգետիկայի հռչակագրի թարմացված տարբերակը համարվող Էներգետիկայի միջազգային հռչակագիրը:
Էներգետիկայի միջազգային հռչակագրի նպատակն է արտացոլել էներգետիկայի բաժնի և հատկապես զարգացող երկրներում էներգետիկայի սպառման աճի վիճակը, ինչպես նաև նոր հնարավորությունների ստեղծման և էներգետիկայի բաժնում ընդհանուր մարտահրավերները դիմագրավելու հարցում մասնակից երկրների համագործակցությունը:
Իրանից բացի ուրբաթ օրը Էներգետիկայի միջազգային հռչակագրին միանալու փաստաթուղթը ստորագրեցին Իրաքը, Կամբոջիան, Գուատմալան և Աֆրիկայի կենտրոնական երկրների միությունը:
