Իրանի սահմաններում սպանվել է ԻԼԻՊ ահաբեկչական խմբավորման պարագլուխներից մեկը
ԻԻՀ անվտանգության նախարարը հայտարարել է, որ երկրի սահմաններում սպանվել է ԻԼԻՊ ահաբեկչական խմբավորման պարագլուխներից մեկը:
«ԻՌՆԱ» լրատվական գործակալության հաղորդման համաձայն, երկուշաբթի երեկոյան, Սեյեդ Մահմուդ Ալավին հայտարարել է, որ Իրանի անվտանգության ուժերի զգոնության շնոհիվ հաջողվել է չեզոքացնել ԻԼԻՊ-ի պարագլուխներից՝ Աբուայեշե Քորդիին:
Նա հավելել է, որ Իրանի անվտանգության ուժերը վերահսկում են երկրի սահմանները:
Նշելով, որ Իրանի ժողովրդի միասնականությունը թշնամիների դավադրությունների ձախողման գլխավոր պատճառն է, Ալավին ասել է.«Իսլամական հեղափոխությունն ունի բազում թշնամիներ, սակայն Իրանի ժողովրդի միասնությանը շնորհիվ, բոլոր դավադրությունները չեզոքացվել են»:
Կարևորելով հասարակության բարոյականությունը,նա նշել է, որ Իրանում իսլամական հեղափոխության շնորհիվ հասարակության մեջ տարածվեց իսլամի մարգարեի մշակույթը:
