Լարիջանին զգուշացրել է միջուկային համաձայնության խախտման հետևանքների կապակցությամբ
Իրանի իսլամական խորհրդարանի նախագահի խոսքերով, Համատեղ քայլերի համապարփակ ծրագիրն այն հարցը չէ, որի կողքից հեշտությամբ է անցնելու ԻԻՀ-ը:
Չինաստանի Fonix հեռուստաընկերությանը տված հարցազրույցում, Ալի Լարիջանին Իրանի դեմ կիրառվող շրջափակումների հավանական երկարաձգումը միջուկային համաձայնության խախտում է որակել, ասելով.-«Համատեղ քայլերի համապարփակ ծրագիրը ոչ թե երկկողմ համաձայնություն է, այլև միջազգային մասշտաբով հաստատված համաձայնություն, որի արդյունավորման գործում անհերքելի դեր են ունեցել աշխարհի վեց կարևոր երկրներ ՝ ներառյալ Չինաստանը»:
«Իրանի իսլամական խորհրդարանը մի օրենք է ընդունել, համաձայն որի այն դեպքերում , երբ որևէ երկիր չի ցանկանում կատարել իր հանձնառությունները, իսլամական հանրապետությունը կարող է պատասխան քայլերի մասին որոշում ընդունել».-նշել է Լարիջանին:
Իսլամական խորհրդարանի նախագահի հավաստմամբ, Թեհրանը կատարել է միջուկային համաձայնության հետ կապված իր պարտականությունները, սակայն եթե մյուս կողմը փոխի իր ճանապարհը, ապա Իրանը ևս համապատասխանաբար փոխելու է իր գործելակերպը:
Լարիջանին սխալ է գնահատել Միջին Արևելքում , մասնավորապես Սիրիայում ԱՄՆ-ի և նրա դաշնակիցների քայլերն, ասելով.-«Նրանք այսօրգիտեն, որ Սիրիայի ճգնաժամը չունի ռազմական լուծում և պետք է փորձել գտնել քաղաքական լուծում»:
Անդրադառնալով Եմենի ռմբակոծման շարունակմանը, Լարիջանին նշել է.-«Եմենում կանանց ու երեխաների կոտորածը հարց չէ, որը հանարավոր լինի մոռացության մատնել : Դա մնալու է Եմենի ժողովրդի մտքում»:
