Զարիֆ. Իմպերիալիզմի շրջանը ավարտին է հասել
ԻԻՀ ԱԳ նախարար Մոհամմեդ Ջավադ Զարիֆը շաբաթ օրը Նոր Դելիում Հնդկաստանի մտավորականների հետ հանդիպման ժամանակ ասել է. «Կարևոր է գիտակցել, որ ԱՄՆ-նն այլևս գերտերություն չէ և իմպերիալիզմի շրջանը ավարտին է հասել»:
ԻՌՆԱ-ի հաղորդման համաձայն, ԻԻՀ ԱԳ նախարարն ասել է. «Իրաք ու Աֆղանստան ներխուժելն ու այդ երկրների բռնազավթումը ծայրահեղականության ու ահաբեկչության տարածման պատճառ դարձան»:
«Բոլորը պետք է գիտակցեն, որ ահաբեկչության հովանավորումը որևէ մեկին շահ չի բերելու»,-հայտարարել է Զարիֆըբ:
ԻԻՀ ԱԳ նախարարը հավելել է. «Ծայրահեղականությունը որևէ երկրով չի սահմանափակվում, քանի որ տարածվում է սոցիալական ցանցերի միջոցով և այլևս հնարավոր չէ այն պահել Իրաքի, Սիրիայի և կամ որևէ այլ երկրի սահմաններում»:
Զարիֆը Հնդկաստան է ուղևորվել` «Ասիայի սիրտը» համաժողովինմասնակցելու համար:
Աֆղանստանին օժանդակելու համար Փենջաբ նահանգի Արմիսթար քաղաքում գումարված համաժողովին մասնակցում են ավելի քան 30 երկրներ, այդ թվում` ԱՄՆ-ն, Ռուսաստանը, Իրանը, Պակիստանը, Չինաստանը, Արաբիան, Էմիրությունները, Թուրքիան և Աֆղանստանի ասիական հարևանները:
