Սիրիայի վարչապետ. Հալեպում արձանագրված հաղթանակով արևմտա-ամերիկյան սադրանքը ձախողեց
Սիրիայի վարչապետը չորեքշաբթի օրն Իրանի ԱԳ նախարարի արաբա-աֆրիկյան հարցերով տեղակալի հետ հանդիպման ժամանակ ասել է. «Հալեպում ու Սիրիայի ամբողջ տարածքում ահաբեկիչների դիմաց բանակի արձանագրած հաղթանակը ձախողեցրեց տարածաշրջանի համար արևմտա-ամերիկյան նախագիծը»:
ԻՌՆԱ-ի հաղորդման համաձայն, Էըմադ Խամիսը Դամասկոսում ԻԻՀ ԱԳ նախարարի արաբա-աֆրիկյան հարցերով տեղակալ Հոսեյն Ջաբերի Անսարիի հետ հանդիպման ժամանակ նշել է, որ Հալեպում ահաբեկիչների կրած պարտությունը դիմադրության առանցքի հաղթանակն էր: «Սիրիայում բանակի և դիմադրության ուժերի արձանագրած հաղթանակը նահատկների արյան հանդեպ կրած պատասխանատվության իրագործումն է». ասել է նա:
«ԻԻՀ-ի ու Սիրիայի քաղաքական ու պատմական արմատներ ունեցող հարաբերությունները պահանջում են տնտեսական հարաբերությունները քաղաքական ու պատմական հարաբերությունների մակարդակին բարձրացնելու ուղղությամբ ջանքերի գործադրում»,-հայտարարել է Սիրիայի վարչապետը:
ԻԻՀ ԱԳ նախարարի արաբա-աֆրիկյան հարցերով տեղակալ Հոսեյն Ջաբերի Անսարին, հանդիպման ժամանակ գոհունակություն հայտնելով Հալեպում ահաբեկիչների դիմաց Սիրիայի բանակի արձանագրած հաղթանակի կապակցությամբ, շնորհավորել է Սիրիայի ժողովրդին և կառավարությանը: «Անցնող բոլոր տարիների ընթացքում ԻԻՀ ու Սիրիայի հարաբերությունները բացառիկ են եղել ու երկու երկրներն ունեցել են քաղաքական ու ռազմավարական հարաբերություններ»:
