Ռոհանի.«ԱՄՆ-ը փորձում է խոչընդոտել ՀԳՀԾ իրագործմանը»
ԻԻՀ նախագահ Հասան Ռոհանին ընդգծել է, որ Իրանը պատրաստ է դիմակայել Համատեղ գործողությունների համապարփակ ծրագրի շուրջ ԱՄՆ-ի կողմից հարուցած խոչընդոտներին:
Երեքշաբթի օրը ՀԳՀԾ-ի առաջին տարեդարձի առիթով Թեհրանում կայացած մամլո կոնֆերանսում, ԻԻՀ նախագահ Հասան Ռոհանին ասել է.-«Իրանի ժողովուրդը և կառավարությունը պատրաստ են դիմակայելու ԱՄՆ-ի կողմից հարուցած խոչընդոտներին և պաշտպանելու երկրի ազգային շահերը»:
Անդրադառնալով Իրանի և 5+1 խմբի միջև կայացած միջուկային համաձայնությանը, Ռոհանին ասել է.-«ՀԳՀԾ-ը մեծ ձեռքբերում էր Իրանի ժողովրդի համար»:
ԻԻՀ Նախագահը հստակեցրել է.-«Ուրանի հարստացումը Իրանի ժողովրդի իրավունքն է և ՄԱԿ-ն ու ՄԱԳԱՏԷ-ն պաշտոնապես ճանաչել են Թեհրանի միջուկային խաղաղանպատակ գործունեության իրավունքը»:
«Համատեղ գործողությունների համապարփակ ծրագրի համաձայնությամբ չեղարկվել են Իրանի դեմ սահմանված բոլոր շրջափակումները». հավելել է Ռոհանին:
Անդրադառնալով տարածաշրջանում և աշխարհում Իրանի մեծ դերակատարությանը, Ռոհանին ասել է.-«Աշխարհի տարբեր հարցերում Իրանը կառուցողական դերակատարություն ունի և քաղաքական խնդիրների կարգավորման գործում Թեհրանի բացակայությունը կարող է մեծ վնաս պատճառել աշխարհին»:
ԻԻՀ նախագահը քննադատելով իրանաֆոբիան հավելել է.-«Իրանը փորձում է խաղաղություն և կայունություն հաստատել աշխարհում»: