Բորուջերդի. ՀԳՀԾ-ի գաղտնի փաստաթղթերի հրապարակումը ԱԷՄԳ-ի վնասին կլինի
Իրանի իսլամական խորհրդարանի ազգային անվտանգության հանձնաժողովի նախագահն ասել է. «Իրանի միջուկային համաձայնության գաղտնի փաստաթղթերի հրապարակումը մարտահրավեր կնետի ԱԷՄԳ-ին»:
Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի նախագահ Ալլաեդդին Բորուջերդին Իրանի խորհրդարանի լրատվական գործակալության հետ զրույցում ԱՄՆ-ի նախագահ Դոնալդ Թրամփի կողմից ՀԳՀԾ-ի կապակցությամբ գաղտնի տեղեկությունների հրպարակման հավանականության մասին ասել է. «Թեհրանը ողջունում է այդ գաղտնի փաստաթղթի հրապարակումը, քանի որ այդպիսով կրկին անգամ ընդգծվելու է Իրանի իրավացիությունն ու հանձնառությունը»:
«Եթե Թրամփը փորձի հրապարակել Իրանի ու ԱԷՄԳ-ի միջև ստորագրված գաղտնի փաստաթղթերը, կխախտվի գործակալության ստանձնած պարտավորությունը, որհ համաձայն Իրանի միջուկային ու գաղտնի տեղեկություններն ու փաստաթղթերը չեն կարող տրամադրվել որևէ այլ երկրի, այդ թվում ԱՄՆ-ին»,-հայտարարել է Բորուջերդին:
Իրանն ու 5+1 խումբը 2015 թվականի հուլիսի 14-ին Թեհրանի միջուկային ծրագրի շուրջ համաձայնագիր կնքեցին:
Այս համաձայնագիրը գործադրման հանձնվեց 2016 թվականի հունվարի 16-ին:
