ԻԻՀ նախագահ. Ընտրությունները թշնամու դիմաց իսլամական Իրանի հզորության ապացույցն են
ԻԻՀ նախագահը նշել է, որ ընտրությունները թշնամիների դիմաց իսլամական Իրանի ամենամեծ հզորությունն են: Նա հույս է հայտնել, որ առաջիկա ընտրությունները թշնամու համար կլինեն հզոր մրցակցության դրսևորում, իսկ աշխարհում Իրանի բոլոր բարեկամների համար հուսադրիչ կլինեն:
ԻԻՀ նախագահության 12-րդ շրջանի և իսլամական քաղխորհուրդների ու գյուղխորհուրդների ընտրությունների 5-րդ շրջանը տեղի կունենան մայիսի 19-ին:
ԻԻՀ նախագահ Հասան Ռոհանին շաբաթ օրը ընտրությունների կազմակերպիչների համընդհանուր համաժողովում ասել է. «Բարդությունների դիմաց Իրանի տոկոնությունն ընտրություններին ժողովրդի մասնակցության ու ներկայության և թշնամիների դիմաց ԻԻՀ համակարգի կայունացման պատճառով է»:
«Իրանը գտնվում է Միջին Արևելքի անհանդարտ տարածաշրջանում, սակայն երկրի ներկա անվտանգությունը հիմնված է միասնականության, միատարրության, հասարակական ներդրման ու ժողովրդային վստահության վրա»,-հավելել է ԻԻՀ նախագահը:
Ռոհանին իր ելույթում նշել է, որ Իրանը հասանելիություն ունի միջուկային համաշխարհային առևտրին: «Իրանի միջուկային առաջադիմությունը չի ընդհատվել կամ դանդաղել: Իրանը վաճառում է իր հարստացված նյութերն ու ծանր ջուրը և դեղին կարկանդակ է գնում». ասել է նա:
